Синдикатот на полиција во Македонија за денот на шегата напишаа објава на Facebook

Одржан состанок со Министерот Оливер Спасовски

Почитувани вработени во Министерство за внатрешни работи , почитувани членови
Со огромно задоволство Ве известуваме дека денес 01.04.2022 година со почеток во 08.00 часот делегација на Синдикат на Полиција во Македонија предводена од претседателот Орце Коцевски го одржа својот прв и официјален состанок со Министерот Оливер Спасовски
Социјалниот дијалог е како никогаш досега” рече нашиот единствен и незаменлив Министер Оливер и продолжи: “Денес со претседателот на СПМ ќе потпишеме Меморандум за соработка, веднаш ќе отпочне да се сопира членарина на СПМ и конечно да ја исправиме таа неправда која им ја стори еден Министер и тоа првиот ден кога седна на министерската фотеља”. Средбата беше на одлично и незавидна ниво и на самата средба можеме како Синдикат да се пофалиме дека се постигнати следниве решенија и резултати а воедно и Министерството за внатрешни работи денес ќе излезе со официјален став и соопштение На средбата беше договорено:
Зголемување на платите за сите вработени во Министерството и тоа 1ЕВРО ~ 1 БОД почнувајќи од 01.05.2022 година, Измена на ШТЕТНИОТ Колективен договор на МВР, конечно набавка на сите видови на униформа и почеток на “ваучер” системот (рок 15 дена) прекинување на незаконските распоредувања и писмени наредби – рок веднаш ставање на течен сапун во тоалетите на сите згради со седиште во МВР, ставање на тоалетна хартија во тоалетите на сите згради со седиште во МВР, Од денес престанува вознемирувањето на работниците во МВР, од денес ќе бидат распоредени професионалци на чело во МВР Виртуелната”Љубов” со Докторот ќе стане минато. Наш предлог е Министерот почесто да се појавува по медиумите оти јавноста ќе заборави дека “Е НАЈДОБАР” Со драго срце прифатен е нашиот предлог, Министерот наместо досегашните 8 постови на социјалната мрежа дневно да објавува по 15 и да го потвди митот дека неговиот рејтинг е повисок и од (појма немаме од што) Имавме многу теми отворено али овие се најбитните… На фотографијата пред црвениот тепих пред Владата е Министерот Спасовски кој пред 2 дена “влета” на протестот на СПМ и вети дека сите проблеми во Полицијата експресно ќе ги реши овојпат без посредство на “единствениот и незаменливиот”

Почитувани, пред нас е уште еден светски ден на шегата и смеата Светот се чини запре со се останато и сите се насочени кон откривањето на наредниот ” реконструиран” објект во МВР, но барем малку денеска обидете се да бидете и останете позитивни и да го подобрите вашето расположение во услови на овие денови на течење “мед и млеко” во МВР И да, ова погоре е шега ( и фотографијата), за да биде така како што е напишано треба некој да се труди да биде така нели наш единствен министре!