Бесплатен оброк за сите првачиња во општина Прилеп
Бесплатен оброк за сите првачиња, по прв пат во општина Прилеп! Општина Прилеп за оваа 2023/2024 учебна година обезбеди бесплатен оброк за секое прваче. Сите 664 првачиња од основните училишта од општина Прилеп оваа учебна година ќе добиваат бесплатен оброк составен од здрава храна. Од локалната самоуправа изјавија: Целта е финансиски да им олесниме на родителите, кои за прв пат ги запишуваат своите деца во училиште, но и правилна и навремена исхрана за развој на децата. Нашите ученици заслужуваат квалитетно образование, но и добри услови за работа за што се залагаме сите ние, и локалната самоуправа и раководителите на образовните институции, за да создадеме можности за подобра иднина на нашите деца.
