Прилепски адвокат со прашање: На каков дијалект и јазик зборуваше дедо ми во Егејска Македонија, за што јадеше 10 стапа од грчкиот учител?

Денес јавноста се крена на нозе во врска со унилатералната декларација за македонскиот јазик, каде се негира негира неговиот историски континуитет и простирање. Според ексепртската јавност, историјата на македонскиот јазик не почнува од 45 како што стои во декларацијата, ниту пак се развивал врз дијалектите само во денешните државни граници.
Во таа насока, прилепскиот адвокат, Александар Маркоски, во својот статус постави прашање за тоа на каков дијалект и јазик зборувал неговиот дедо во село Тушин (Егејска Македонија), кога во школскиот двор за време на одморот ја прашал мајка му „Кај одиш мамо?”, за кое прашање бил казнет со по 10 стапа на двете раце од страна на грчкиот учител, само затоа што се обратил на македонски јазик. Во продолжение прочитајте го статусот.