ТЕШКА СООБРАЌАЈКА КАЈ КАМЕНОЛОМОТ КАЈ ТРОЈАЦИ
Двајца се полесно повредени и тројца потешко при сообраќајната несреќа што се случила денес околу 15 часот на патот Градско-Прилеп, на неколку километри од превојот Плетвар. Повредените се префрлени во прилепската градска болница на испитување и на лекување. Според првичните информации од службата за итна медицинска помош од Прилеп, која била повикана да интервенира во 15 часот, сообраќајната несреќа била помеѓу два автомобили Пежо и Ауди од Прилеп и Охрид. Повредените не се во животна опасност.
