Проданоски најави нова детска градинка за 200 дечиња во Прилеп
Проблемот со недостиг на слободни места за децата во градинките во Прилеп конечно ќе биде надминат. Проданоски ги најави проектот за нова детска градинка која ќе има капацитет да згрижи 200 дечиња.
Оваа градинка нема да биде само објект. Таа ќе биде порака дека ќе продолжиме да го градиме Прилеп со визија и со одговорност кон идните генерации!На површина од над 2.000 квадратни метри и со капацитет за 200 деца, ќе изградиме модерен, енергетски ефикасен и целосно пристапен објект, со безбедна и топла средина за игра, учење и растење. Изјави Дејан Проданоски кандидат за градоначалник на Општина Прилеп.
