Министерот Тошковски во Прилеп

На 04.04 Министерот Панче Тошковски беше во посета на полициските станици во прилепскиот крај од каде и изјави: Денеска бев во прилепскиот крај каде ги посетив Полициските одделенија Кривогаштани и Ропотово и Одделението за внатрешни работи Прилеп и одржав работни состаноци со раководниот кадар на овие организациски единици. На подрачјето кое го покрива ПО Кривогаштани со 13 населени места безбедносната состојба е стабилна и оваа организациска единица е една од ретките каде кадровската пополнетост на највисоко ниво.Што се однесува до ПО Ропотово има недостаток на раководен кадар и што поскоро треба да се направат соодветни распоредувања со цел да се овозможи непречено функционирање на одделението. ОВР Прилеп се соочува со недостаток на службени возила кои се неопходни за ефикасно постапување, но сепак во делот на реализирани кривични дела се бележи зголемена ефикасност во последните два месеци. За оваа полициска станица советот на Општина Прилеп избра командир, но од страна на Владата беше поништен актот доставен од моја страна поради што бев спречен да донесам решение за негово назначување се до вчера кога добив правосилна пресуда од Управниот суд со која е поништена ваквата незаконска одлука на Владата, па така во наредните денови ПС Прилеп ќе добие командир.