ООУ ,,Климент Охридски” блесна пред почетокот на учебната година

Новата учебна година општина Прилеп ја дочекува максимално подготвено, во нови училници, реконструирани кабинети, хортикултурно уредени дворови. При посетата Градоначалникот Јовческо истакна: Денеска го посетивме ООУ ,,Климент Охридски” и навистина можам да потврдам дека инвестициите во образованието значат инвестиција за подобар раст и развој на нашите најмили. Имаме комплетно нови паркови, прекрасно хортикултурно уредени и на предната и задната страна на влезовите во училиштето. Нов парк позади спортската сала. Нова ограда на предната страна од училиштето, нов кабинет по информатика, хемија и биологија и нови смарт телевизори. Исто така извршена е промена на електричната инсталација на првиот кат и адаптиран е простор во подземјето со што имаме ефективна пренамена на неискористен простор во нови потребни кабинети за учење, за техничкиот персонал како и нова спортска сала за првачињата. Морам да потенцирам дека заедно со директорите на училиштата кои што ја имаат мојата максиамлна поддршка, ќе продолжиме да работиме во оваа насока и ќе инвестираме буквално во секое училиште, во секоја населба во нашиот град и во секое населено место.