Пожар во прилепската текстилна фабрика „Тила“
Денес во 13 часот избувна пожар во текстилната фабрика „Тила“ во Прилеп.
Зафатени се покривот на фабриката и сончевите колектори. Пожарникари со противпожарни возила од ППЕ Прилеп повеќе од еден час се обидуваат да го локализираат пожарот кој се уште гори. За време на избувнувањето на пожарот во фабриката немало никој. Засега не е точно познато што го предизвикало пожарот но се претпоставува дека пожарот настанал од инсталацијата на сончевите колектори.
