Тутнскиот комбинат откупот на тутунот ќе го почне во вторник, на прагот е на договор за продолжување на соработката со „Филип Морис“

Прлепскиот тутунски комбинат во вторник, на 18 ноември, ги отвора вратите за откуп на тутунот на 34 пункта во земјава. Ќе преземе 2.300 тони тутун и ќе исплаќа двапати неделно. Цените по класи се поголеми за 5 проценти од другите откупувачи.

-Подготвени сме за откуп на договорениот тутун со кооперантите. Во вторник ќе бидат отворени вратите за откуп на 34 места со регистрирани 37 ваги. За годинава имаме договорено за откуп на 2.300 тони што е повеќе од лани кога откупивме 1.800 тони тутун. Имаме обезбедно средства за исплата која ќе севрши двапати неделно. Цената по класи е дефинирана уште од март месец и е за 5 проценти поголема од другите откупувачи. Првата класа тутун е 420, втората 360, а третата класа тутун се купува по 300 денари за килограм. Сега-засега не можам да кажам дека ќе има некое зголемување на цените, изјави Александар Алексоски, директор на Тутунски комбинат од Прилеп.

Законски, откупот почнува на 15 ноември и трае до крајот на февруари. Реколтата од околу 22.000 тони треба да ја купат 10 откупни компании.