После обилните врнежи во Прилеп, ситуацијата ставена под контрола
Обилни врнежи од дожд попладнево го зафатија Прилеп. Во последните 20 години не биле забележани вакви обилни врнежи, гратската река го достигна својот максимум на водостојот и на некои места излезе од речното корито. Алармантна беше ситуацијата во населбата Тризла но веќе се стабилизира. Дежурни екипи на ЈКП Водовод и канализација, ТППЕ и ЈКП Комуналец Прилеп веќе се на терен, исто така увид на состојбата извршија и Претседателот на совет Дејан Проданоски и директорите на ЈКП Игор Гулабоски и Рубин Абрашоски, истакнаа дека нема простор за паника и загриженост бидејќи ситуацијата е ставена под контрола, дежурните екипи ќе останат на терен ако е потребно и преку ноќта, но сепак од утре ќе се погрижат за санирање на настанатите штети од невремето.
