Пожар зафати три куќи во Дојран

Пожар зафати три куќи во Дојран. Директорот на Центарот за управување со кризи, Стојанче Ангелов, информира дека засега нема повредени.

„Во Дојран од огнот се зафатени три куќи. Се врши евакуација. Нема повредени“, вели Ангелов.Според информациите, пожарот првично зафатил депонија по што се проширил кон Карабалија.Заменик-генералниот директор на „Национални шуми“, Кире Михаилов, го повика на одговорност градоначалникот на Дојран, Aнго Ангов, за пожарот. Тој тврди дека дојранската депонија, кога се запалила, била заклучена и оставена без чувар и поради тоа екипите на противпожарната бригада не биле во можност да влезат во депонијата и да спречат огнот да се прошири.

Ангелов соопшти дека и на Пониква има два тешки шумски пожара.