ВМРО-ДПМНЕ бара оставка на Талат Џафери поради пцовките кон вработените во собранието

Погледнете го вистинското лице на власта и примитивизмот во практикувањето власта, недостојно за Собрание на Република Македонија! Не постои друг чекор по примитивизмот на Талат Џафери освен негова оставка! Талат Џафери, со сиот негов примитивизам во Парламентот, е недостоен да го води и да биде член на законодавниот дом. На примитивизмот од Форино не му е местото во Собранието! За ваков примитивизам, насилство, вулгарности, нема место во било кое Собрание најмалку во македонското, изјави портпаролот на ВМРО-ДПМНЕ, Наум Стоилковски на денешната прес конференција.

Тој посочи дека оваа потврдена снимка од Талат Џафери во прашање ја доведува и неговата деловна способност, но запраша и дали зад вулгарностите постојат зависности на Талат Џафери коишто предизвикуваат апстиненцијални кризи и невозможност за рационално водење на седниците на Собранието?

– Не постои оправдување за ваков простотилак и прашање е дали сите коалициски партери во крими-власта го поддржуваат и би го оставиле без осуда ваквиот примитивен однесување од деспотот од Форино? Објаснувањето од примитивецот од Форино дека „не знаел“ за вклучени микрофони, е само доказ за вистинското лице на власта и начинот на владеење – со насилство и понижување Јасно е, кога крими-коалицијата СДСМ и ДУИ нема аргументи, деспотот од Форино станува нервозен и на површина испливува суштината, на површина испливува простотилакот кој што е слика за севкупното практикување на власта на крими- коалицијата, додаде Стоилковски.

Портпаролот посочи дека сето ова е само причина за негова неотповиклива оставка!