Палачинкијада – прекрасен настан во Прилеп
„Палачинкијада“ – прекрасен настан денес во Прилеп, со кој што традиционално го означуваме почетокот на летниот распуст. Овој сладок настан е симбол на завршетокот на уште една успешна училишна година, и можност за сите нас да се дружиме и да создадеме убави спомени. Денеска ги славиме и поздравуваме вашите достигнувања, трудот и посветеноста што ги вложивте во изминатата година. Посебно ми беше драго што имавме можност да ги прогласиме и симболично да ги наградиме првенците на генерациите од нашите училишта. Вие сте гордоста на нашата општина и пример за сите нас. Вашата упорност и успех се инспирација за вашите соученици и за нашата заедница. „Палачинкијадата“ сакаме да прерасне во настан кој ќе не потсетува на важноста на заедништвото, пријателството и забавата. Ви посакувам многу насмевки, незаборавни моменти и убав и безгрижен летен распуст. Одморете се, наполнете ги батериите и подгответе се за нови предизвици и успеси кои ве очекуваат во наредната учебна година. Уште еднаш, честитки до сите ученици, наставници, професори, директори и се разбира првенците на генерациите, и голема благодарност до сите кои го помогнаа и организираа овој прекрасен настан. Изјави градоначалникот Борче Јовчески.
