Започна турнирот во фудбал за млади категории „Прилеп Куп“ 2023

Започна турнирот во фудбал за млади категории „Прилеп Куп“ 2023. На отворањето на настанот беше присутен и грдоначалникот Борче Јовчески кој истакна:

Најпрвин сакам да искажам една благодарност до организаторите на овој турнир на кој ќе земат учество 58 екипи и над 800 талентирани и се надевам идни професионални фудбалери. Ова е прекрасна прилика за промоција на градот Прилеп преку најважната споредна работа на светот, а тоа е фудбалот, а каде би се одржал ваков турнир ако не во „најфудбалскиот град“ во Македонија. Ја искористив оваа прилика да ги охрабрам сите учесници на годинешниот „Прилеп Куп“ и да им порачам да веруваат во себе и да продолжат уште поинтензивно да се занимаваат со овој спорт за да го задржат здравиот дух во себе. Општина Прилеп ќе продолжи да ги поддржува сите спортски настани и активности се со цел промоција на спортот и вистинските вредности!