Апасиев отфрла влада со ВМРО-ДПМНЕ, не ја исклучува СДСМ како иден партнер

Лидерот на Левица Димитар Апасиев отфрла формирање влада со ВМРО-ДПМНЕ, но не ја исклучува СДСМ како иден партнер во власта.

Радио Лидер пренесува дека Апасиев најавил дека би коалицирал со СДСМ, но не и со ВМРО-ДПМНЕПорталот пишува дека Димитар Апасиев, лидерот на Левица најавил можна коалиција со лева опција, дискретно алудирајќи на СДСМ.,,Во гостувањето на „Сител Подкаст“ Апасиев зборуваше за својот приватен живот, професионална кариера, но и политички гледишта. Тој се осврна на структурата на Левица.

Ние педантно и паметно ја развиваме структурата и партијата. Не би влегле по секоја цена во Влада како Алијанса и другите со две министерски места, со 100 вработувања. Платформа или се договараме политички, па после кадровски ќе зборуваме. Кредитот кој ние го создаваме сите години не би го прокоцкале така. Математиките велат дека по следни избори ќе видиме дали би имале влада. Битно е платформски, пример 15 точки од кои нема отстапување. Мене не ми е битно кој ќе е директор, дециден е Апасиев”, пренесува Радио Лидер.,,Апасиев вели „Ние НЗС со ДПМНЕ не може да најдеме“ притоа алудирајќи дека можна е коалиција со лева опција, веројатно СДСМ.

Нашата програма е радикално левичарска, ние НЗС со ДПМНЕ не можеме да најдеме. Во економија тие се рамни ниски даноци, ние сме за прогресивни и повисоки даноци за богатите. Не е ни природно левица да коалицира со десница. Ако ви текнува примерот за Сириза, они си отстоија неколку мандати чекајќи го народниот револт. Ципрас така направи влада, вели тој.За себе вели дека „непредвидлив“.Таман кога ќе мислат „овој се шитна, тогаш ќе видиш сосема друго“. Во политиката има многу глума, заклучува тој.

Во јавноста се јавуваат многу сомнежи дека Левица одработува за СДСМ.Левица за свој претседателски кандидат ја предложи професорката Билјана Ванковска. За неа пак, чудно е што најголем број од критиките ги упатува кон контото на Гордана Силјановска Давкова, а притоа ако се потсетиме токму Ванковска ја поддржа Силјановска Давкова во 2019 година.