Наредните денови очекувајте температурен шок, погледнете како ќе биде времето во наредниот период
Времето претпладне ќе биде променливо облачно со локален дожд. Попладне облачноста ќе се намали и ќе преовладува сончево и потопло време со мала до умерена облачност. Ќе дува слаб до умерен ветер претежно од западен правец, соопшти Управата за хидрометеоролошки работи.
Утринските температури ќе се движат од 4 до 9 степени, а дневните од 13 до 25 степени.
Во Скопје утринската температура ќе достигне до 8 степени, а дневната до 22 степени.
Во наредните денови времето ќе биде претежно стабилно и топло. Температурата ќе биде во значителен пораст, особено од понеделник, кога на повеќе места ќе надмине 25 степени, информираат од УХМР.
