Први детали за Samsung Galaxy S24 Ultra
Се очекува Samsung да ја подигне границата на ново ниво кога станува збор за претстојниот модел Galaxy S24 Ultra. Јужнокорејскиот гигант планира да имплементира дисплеј со стапка на освежување од 144 Hz во својот следен премиум уред, што ќе го направи телефонот првиот Galaxy модел со споменатата стапка на освежување на екранот.Освежувањето на екранот од 144 Hz ќе овозможи пофлуидни анимации, што особено ќе им одговараат на гејмерите, а исто така ќе донесе побрзо вчитување и севкупно побрзи перформанси.Според неодамнешните извештаи, серијата Galaxy S24 треба да има и сателитско поврзување, слично на функциите што моментално ги нудат Apple и Huawei.Се очекува серијата Galaxy S24 да биде придвижувана од чипсетот Snapdragon 8 Gen 3, кој треба да понуди значително подобри перформанси од сегашната генерација. Јадрото на процесорот X-4 со високи перформанси треба да има 15% подобра брзина на такт во споредба со јадрото X-3 од чипот Snapdragon 8 Gen 2.Се споменуваат и подобрувања на камерите, па така подобрениот сензор од 200 MP на моделот Galaxy S24 Ultra ќе има подобрени можности за зумирање на телефото камерата.Се разбира, треба да се напомене дека сите овие се само гласини во овој момент и треба да се земат со резерва. Samsung сè уште официјално нема потврдено ништо кога станува збор за серијата на телефони Galaxy S24.
